林中路 我遇見 千樹萬葉每一個光影是哲思的小花金曲獎最佳客語專輯、最佳客語歌手羅思容的第一本詩集《月光歸路》《月光歸路》的主題，關乎誕生、愛情、親情、家園、離散、記憶、愛與精神家園的重建。月光，在各種文化、神話、詩歌、文學、童謠中，承載著豐富的象徵語言。羅思容的詩優美而有音樂性。她用客語描寫著景物、關係、光影。從她的詩句中，彷彿浮現出一條月光遍照之路。在柔和的光亮中，是一條連結著我們與生命底蘊、文化初始的根源之路，也是創造與想像之路林中路 𠊎逢著 千樹萬葉每隻光影就係哲思个花苞金曲獎最佳客語專輯、最佳客語歌手羅思容个第一本詩集《月光歸路》《月光歸路》个主題，有關誕生、愛情、親情、家園、離散、記憶、愛摎精神家園个重建。月光，在各種文化、神話、詩歌、文學、童謠中，承載等豐富个象徵語言。羅思容个詩優美又有音樂性。佢用客語描寫景物、關係、光影。從厥个詩句中，親像有現出一條月光遍照之路。在溫柔个光線中，係一條連結等𫣆俚摎生命底蘊、文化起勢个根源之路，也係創造同想像个路。——【本書特色】★ 客委會「客語文學作家創作計畫」七位強檔作家聯袂創作★ 金曲獎、金音獎、華語音樂傳媒大獎詩人、歌手 羅思容第一本客語創作詩集★ 全書以超過60％的客語文字書寫，並附上詳盡華語註解，讓讀者輕鬆閱讀客家文學——【作者介紹】羅思容苗栗市出生。寫詩、畫畫、詞曲唱作及音樂製作。曾獲金曲獎、金音獎、華語音樂傳媒大獎。版畫作品《愛情魚》、《自由落體》獲得日本Awagumi版畫大賞的入選獎。出版作品：歌詩作品《每日》、《攬花去》、《多一個》、《落腳》、《今本日係馬》、《女兒的九十九種藍—聽見零雨》詩集《月光歸路》——【內文試閱】〈嗯，夜香〉嗯，夜香河壩正要醒來指尖个水珠滴落，一身清零嗯，夜香河壩半睡半醒〈春天个目珠〉青丟仔孵出一隻一隻春天个目珠跈等細河壩个心跳春去秋來河壩肚流漂个水樵頂螺貝仔个軟足定定仔爬行立春之河喜悅 跳躍舒暖个雲明朗 流動歡喜生出春天个心春心雀躍河壩水淰出來了〈日出入〉日出東片一心向光 清明窗台个五色梅迎來淰黃个黃花春夏秋冬本自俱足日月星辰本自清淨今本日穀雨 像酒有人啉忒多講係好雨知時節立夏个半夜月華緊向𠊎行等來露水 酒水 目汁 風雨 星芒串成月光菩薩个瓔珞 䯋鍊陰晴圓缺日出入〈暗夜降臨〉目麻个光脈穿過田坵个縫罅禾稈一葩過一葩企在田中央日頭已斜草蜢唧唧唧唧跈等夜个敨氣婦人家擎起針線定定仔攣在收成過後个禾稈項露水凝結像一粒水鏡仔星仔畏羞看等月光射出金銀色个弦光鰱鯉鑽入厥个沙穴風恬靜不語，歸屋下只有燈盞火像係等等暗夜降臨蝶仔在窗仔背噼哩啪拉夜鷹還在屋簷廊項𫟧上𫟧下愐想未來个後生人感應眾神靈在暗夜降臨〈春日清吟〉春日，光尾點染愛情个山脈你多愁个目光在日漸枯垂个圓身皴點 荒涼个青春跈等𫣆俚个心跳幽寂對過去到現下都在𫣆俚失神个腳步亍行一陣風來娘花逐浪牽等妹仔个手涉水行過燥渴个河床遠處娘花个草稈項，飄落𥍉亮个清吟〈童年在時間之林跳躍〉目珠閤等。一種規律又慢板个節奏童年个心跳，跈等蒸氣火車个聲響，跳躍在時間之林蹦飆个童年，夢想个堆疊像一節一節个車廂流動个風景，流向下一個不知名个驛站細人仔，滿足个穿越如蛇个未來暗摸胥疏个窿空過後，強光目珠擘毋開目珠閤等。𠊎知自家還在个敨氣愐起童年該隻分火車輾過个細孲仔你个靈魂係毋係還孤栖徘徊在秋絮紛飛个鐵支路項飛翔个意念像一把熊熊烈火𠊎看著自家乜像紙鷂仔逐飛影機走撞墜落擘開目珠。彎斡个鐵支路穿越在吾个體內蒸氣火車嗚嗚个噴煙童年个心跳，跈等蒸氣火車个煙屎，散落在時間之林火車繼續穿越流動个光景，緊來緊濛〈青春〉經血合等黃泥做一隻大甕裝載虛空个形影往復个節奏在荷爾蒙个密碼項一蕊花 穿過香絲之林比星仔還較遠比細雨毛仔還較感傷月光照等百合花个花蒂同竊竊私語个兩隻乳菇成時失忒生活个熱情又疑狐 自家係毋係還在想探測該最微小个想望喔！雨點仔一墜落就青春了